Еңеүсене уҡыусылар һайланы

"Көнгәк" гәзитендә “Йәйегеҙ нисек үтә?” тигән конкурс ойошторолғайны. Фотолы материалдар баҫма битендә донъя күрҙе. Тәүге өс еңеүсене билдәләү маҡсатында социаль селтәрҙә онлайн тауыш биреү үтте. Бөтәһе 491 кеше үҙенә оҡшаған авторҙы һайланы. Ниһайәт, 1-се беренсе урынға сыҡҡан Гөлирә Ишһарина иң күп тауыш йыйҙы, 2-се урынға Земфира Һөйәрғолова лайыҡ булды, 3-нө Людмила Баязитова яуланы. Афарин! Конкурсанттарҙың барыһына ла рәхмәтебеҙҙе еткерәбеҙ, еңеү менән ҡотлайбыҙ. Һәр саҡ әүҙем “Көнгәк” менән дуҫ ҡалығыҙ. Бүләктәрҙе редакцияға килеп алыуығыҙҙы көтәбеҙ. Редакция.