Мөмкинлек күп - файҙалан ғына

Мәҫәлән, Ейәнсура районында милли проект нигеҙендә белем биреү тармағы, үткән йылдар менән сағыштырғанда, ҙур үҫеш кисерҙе, заманса һулыш алды. Был, әлбиттә, урындағы етәкселектең өлкәне яңыртыуға, йәш быуынды хәстәрләүгә айырым ҙур иғтибар бүлеүенә бәйле. Ейәнсура районы хакимиәте башлығы Дәмин Юланов билдәләүенсә, улар һәр мөмкинлектән файҙаланырға тырыша.

Мәҫәлән, “Мәғариф” милли проектына ярашлы, 2-се Иҫәнғол мәктәбенең Яңы Петровкалағы филиалында матди-техник база яңыртылған. Һөҙөмтәлә хәҙер балаларға физкультура һәм спорт менән шөғөлләнеү өсөн бөтөн уңайлыҡтар бар.

"Мәктәпте тамамлағас, хәрби училищеға уҡырға барырға теләйбеҙ, – ти X класс егеттәре. – Ә ундай мәртәбәле уҡыу йортона эләгеү өсөн физик яҡтан көслө булырға тейешһең. Шуны күҙ уңында тотоп, буш ваҡыт булыу менән спорт залына ашығабыҙ".

Фото: strategy24.ru