Артыҡ ҡыҙыл тиҙ уңа

“Хөрмәтле Людмила Леонидовна! Аптырағандан яҙырға булдым. Миңә 48 йәш. Дүрт балам бар. Үҙемдең атай-әсәйемдән гел шелтә алып, әр ишетеп үҫкәнгә күрә, балаларымды ныҡ яраттым, ҡурсыным, өрмәгән ергә ултыртманым, бер кемдән йәберлеттермәнем. Үҙемде иҫ киткес шәп әсәйҙәр рәтенә ҡуйҙым, әммә улым һәм ҡыҙҙарым миңә рәхмәт әйтәһе урынға, гел кәмселектәремде эҙләп, тиргәшеп, һүҙ көрәштерәләр. Бындай баҫымды күтәрә алмайым. Нимәне дөрөҫ эшләмәгәнмен? Үҙ-үҙемә йәнем көйөп илап алам. Ҡайҙа яңылыштым?”Розалия ШӘРИПҠОЛОВА. (Исем үҙгәртелде)Людмила ЗАНИНА астролог-психолог:Һәр кемдең үҙ тормошо. Рәхмәтһеҙ, миһырбанһыҙ, ҡаты күңелле кеше үҫтерергә теләмәһәгеҙ, бер ваҡытта ла балалар өсөн үҙеңде ҡорбан итергә ярамай.