Бала саҡта ҡарҙан ҡәлғә төҙөп уйнанығыҙмы?

Кем бала саҡта ҡарҙан ҡала, ҡәлғә, тау эшләп уйнаны? Баҡһаң, бөгөн - беҙҙең байрам икән дә!.. Ауыл ерендә үҫкәндәр араһында был уйынды уйнамаған кеше булмағандыр. Тау батша тип тә атай инек. Ҡарҙы өйөп, шуға менеү өсөн көрәшә торғайныҡ. Бейәләйҙәребеҙ, быймабыҙ һыуланып, туңып, боҙға әйләнгәнсе урамда уйнаныҡ. Һыуыҡ та теймәй торғайны, атай-әсәй ҙә әрләмәне.