Яңы көн менән!

Бөгөн 21 ғинуар (һыуығай), кесаҙна, йылдың 21-се көнө. Йомадиәл ахыр (جمادى الآخر) айының 8-се көнө. Ҡояш 9 сәғәт 25 минутта ҡалҡты, 17 сәғәт 29 минутта байый. Көн оҙонлоғо – 8 сәғәт 4 минут. Был көн тарихта.????Рәсәй империяһының билдәле пианисы, сығышы менән Өфөнән булған Вера Тиманова тәүге асыҡ концерт менән сығыш яһай (1865)????Мәскәү ҡалаһында Емельян Пугачевтың башын сабып өҙәләр hәм бейек ҡолға өҫтөнә ҡаҙап куялар. Кәүҙәһен 4 киҫәккә сабып Мәскәүҙең төрлө мөйөшөнә алып барып яндыралар (1775)????Өфөлә В. И. Лениндың йорт-музейы асыла (1941)????Башҡортостан Республикаһының Социаль торлаҡ төҙөү фонды ойошторола (2011) ????Тыуған көндәр. Башҡорт дин эшмәкәре, халыҡ табибы, диндар Сиражетдинов Мөжәүир Уйылдан улы (халыҡ араһында Мөжәүир хәҙрәт булараҡ билдәле; 1876 – 28.07.1967), 1939—1940 йылдарҙағы совет-фин һуғышында ҡатнашҡан һәм Бөйөк Ватан һуғышында батырҙарса һәләк булған хәрби хеҙмәткәр Бәхтизин Әхтәм Мөсәлим улы (1897—16.08.1943), рәссам-график Мәсәлимов Урал Тимербулат улы (1959), театр артисы Итбаев Марс Салауат улы (1970—21.09.2020) һ.б.