8 Март менән ҡотлайбыҙ!

Арыҫлан ауыл биләмәһендә йәшәгән хөрмәтле инәйҙәр, апайҙар, һылыуҙар - барығыҙҙы ла Халыҡ-ара ҡатын-ҡыҙҙар көнө менән ихлас ҡотлайбыҙ! Ҡәҙерле ҡатын-ҡыҙҙар, һеҙ - йәшәү йәме, донъя тотҡаһы! Көслө затты көслө иткән, илаһи донъя тыуҙырған, Ерҙә йәшәү һүнмәһен өсөн ғүмер бүләк иткән дә һеҙ, гүзәл заттар! Һәр ваҡыт бәхеткә төрөнөп, яҡты нур сәсеп, ҡәҙер-хөрмәттә йәшәгеҙ, өмөт-хыялдарығыҙ тормошҡа ашһын! Донъя мәшәҡәте баҫмаһын, Бирешмәгеҙ ҡырыҫ елдәргә, Ҡояш кеүек күңел йылығыҙ Һүрелмәһен ғүмер-ғүмергә! Арыҫлан ауыл биләмәһе ир-егеттәре исеменән биләмә хакимиәте башлығы Айрат Шәйәхмәтов.