+30 °С
Болотло
Яңылыҡтар
18 Август 2022, 07:05
Яҡындарыңа итәғәт күрһәт
Ғаилә - ир-ҡатын, ата-әсә, балалар һәм яҡындарҙан торған йәмғиәт исемелер. Йәмғиәттең иң бәләкәй ағзаһы ла ғаиләлер. Кеше уның яҡындарына ҡарата вазифаларын иң әүәл үҙенең йәмғиәтендә өйрәнә. Ата-әсә - ғаилә усағының ике нигеҙе. Был нигеҙ, билдәле булыуынса, кешеләрҙең өйләнеүе менән ҡорола. Шуның өсөн дә Исламда өйләнеүҙең әһәмиәте бик ҙур. Пәйғәмбәребеҙ үҙенең хәҙисендә: “Өйләнегеҙ, ишәйегеҙ, сөнки мин Ҡиәмәт көнөндә башҡа өммәттәргә ҡарағанда һеҙҙең күп булыуығыҙ менән ғорурланырмын” – тигән.
Яҡындарыңа итәғәт күрһәт
Ир – ғаилә башлығы. Бөтөн йорт эштәрен башҡарыу, ҡарау,өйҙөң торошон, ғаиләнең ихтыяждарын тәьмин итергә тейеш. Ирҙең үҙенең ҡатынына ҡарата һәр саҡ йылы мөнәсәбәтт, мәрхәмәтле, ярҙамсылбулыуы – уның вазифаһылыр.
Пәйғәмбәребеҙ хәҙисендә: “Ҡатындарға хөрмәт күрһәтмәүселәр,уларға яман мөнәсәбәттә булыусылар бик яман кешеләрҙер” – тигән
Ҡатын – ҡыҙ ғаиләлә сәләмәт, таҙалыҡ булдырыуҙа, ирен ғаилә башлығы итеп таныу, һөйөү, ихтирам күрһәтеү, балаларҙың иҫән-һау тәрбиәләнеүенә, белемле булыуына ныҡ иғтибар биреү, өйҙә тәртип,бөхтәлек булдырыу өсөн яуаплы.
Бер ояның ике ниғеҙ ташы булған ир менән ҡатын бер-береһенә бәйләнешле хоҡуҡ вазифаларын яҡшы белһә,ғаилә усағы бәхет һәм шатлыҡ сығанағы булыр.
(календарҙан)
Фотоһүрәт интернет селтәренән
