Ҡиммәтле бүләк

Сауҙагәрҙең кинйә ҡыҙы:

-Юлда ризыҡланыр өсөн көлсәләрегеҙҙе бешергәндә йәбешкән көлдө ошо тоҡсайға йыя барығыҙ, атай, - тигән – Аҙаҡ миңә бүләк итерһегеҙ.

Сауҙагәр алыҫ илдәрҙә бик оҙаҡ йөрөп ҡайтҡан. Өлкән ҡыҙҙарына бүләк өләшкән. Кинйәһенә:

-Ҡыҙым, әйткәнеңде эшләнем дә ул, көл бүләк итеүе оят бит әле, - тигән.

Ҡыҙыҡай атаһы биргән тоҡсайҙы эргәһендә уралған этенә еҫкәргә ҡушҡан. Ә тегеһе еҫкәмәй боролоп киткән да барған, ти.

-Күрҙегеҙме, атай, - тигән ҡыҙ, - әгәр ҙә һеҙ көлсәләргә йәбешкән көлдө лә ашап йөрөһәгеҙ, ҡаты сиргә юлыҡҡан булыр инегеҙ. Иҫән-һау әйләнеп ҡайтыуығыҙ минең өсөн иң ҙур һәм ҡиммәтле бүләк.

Сауҙагәр ошо ваҡиғанан һуң кинйә ҡыҙын тағы ла нығыраҡ ярата башлаған, ти.

календарҙан 

яото интернеттан