Башҡортостанда биш кеше һыуға батҡан

Республикала һыу эргәһендә ял иткән кешенең һаны кәмемәй. Һауа торошоноң эҫе тороуы быға сәбәпле. Бигерәк тә иҫерек килеш һалҡын һыуға сумыу осраҡтары артҡан. 

23 августа Нуриман районының Павловка һыу һаҡлағысында 34 йәшлек ир, 24 август Учалы районының Өргөн күлендә 58 йәшлек ир, ошо уҡ көндә Өфө янындағы Ҡариҙел йылғаһында 33 йәшлек ир батып үлгән. 25 августа Миәкә районында Дим йылғаһында 29 йәшлек һәм Шишмә районының Кесе Үҙрәк йылғаһында 54 йәшлек ирҙәрҙең ғүмерҙәре һыуҙа өҙөлгән.

"Һыу яйлап һыуына бара - бына шул ҙур ҡурҡыныс тыуҙыра ла инде. Көн ныҡ эҫе, һыу һалҡын - бындай ҡапма-ҡаршылыҡ бигерәк тә алкоголле эсемлек ҡуллағандар өсөн үтә хәүефле. Һыу инергә йыйынһағыҙ, махсус тәғәйенләнгән урындарҙы ғына һайлағыҙ", - тип аңлатма бирәләр Башҡортостандың Ғәҙәттән тыш хәлдәр буйынса дәүләт комитетында.