+15 °С
Дождь
Яңылыҡтар
29 Августа 2022, 10:30
Солянка
Сосиска — 2 шт. Һуған— 1 шт. Кишер — 2 шт. Картуф — 2 шт. Корнишон ҡыярҙары — 5 шт. Оливки— 1 банка Лимон — 4 дүңгәләк Көнбағыш майын самалап ҡына һалабыҙ Томат пастаһы — 2 аш ҡалағы
Солянка
Әҙерләү:
- Кәстрүлдә һыуҙы ҡайнатып сығарабыҙ . Картуфты таҙартып, шаҡмаҡ формаһында турайбыҙ һәм ҡайнап торған һыуға һалабыҙ.
- Сосискаларҙы түңәрәкләп турайбыҙ. Үҫемлек майында ҡыҙҙырабыҙ. Һуңынан картуф янына һалабыҙ.
- Кишерҙе ҡырғыс аша ҡырабыҙ. Һуғанды уртаса ҙурлыҡта шаҡмаҡлап турайбыҙ. Кишер менән һуғанды бергә үҫемлек майында 10 минут ҡыҙҙырабыҙ. Уларға томат пастаһы өҫтәйбеҙ һәм тағы 5 минут быҡтырабыҙ.
- Корнишондарҙы, оливканы түңәрәкләп турайбыҙ. Лимондың түңәрәктәрен дүрт өлөшкә бүлергә мөмкин, һеҙгә нисек оҡшай шулай киҫеп һалығыҙ.
- Ҡыҙҙырылған кишер менән һуғанды, туралған корнишон, оливканы, лимонды кәстрүлгә картуф менән сосискалар янына һалабыҙ. Барыһын бергә 10-15 минут бешерәбеҙ.
Аштарығыҙ тәмле булһын!
