+28 °С
Болотло
Яңылыҡтар
6 Сентябрь 2022, 06:30
көҙ
Көҙ һауаһы шундай татлы,Ер тупраҡ еҫен бөркә.Күлдәрҙән ҡалҡынған томанӘсә ҡулындай иркә!Мин барам баҫыу юлынан...Юл тыныс, гүйә, ялда.Көҙгө күлдәген кейгән дәҠыр йоҡлай минең алда.Ә ҡояш көлмәй, төйнәнеп,Ҡышҡы сәфәргә киткән.Унан сәләм-хат булып, тикБолоттар аға күктән.Ҡыр эсә көҙгө ямғырҙыҺәм ҡыуана...Йәнәһе,Ҡояштың бүләге былар,Ҡояштың күстәнәсе!Мин барам һаман.ЭргәмдәнКөҙ килә һары кейеп.Моңһоу ҙа ул, өмөтлө лә...Минең уйҙарым кеүек. Рәшит Назаров
көҙ
Көҙ һауаһы шундай татлы,
Ер тупраҡ еҫен бөркә.
Күлдәрҙән ҡалҡынған томан
Әсә ҡулындай иркә!
Мин барам баҫыу юлынан...
Юл тыныс, гүйә, ялда.
Көҙгө күлдәген кейгән дә
Ҡыр йоҡлай минең алда.
Ә ҡояш көлмәй, төйнәнеп,
Ҡышҡы сәфәргә киткән.
Унан сәләм-хат булып, тик
Болоттар аға күктән.
Ҡыр эсә көҙгө ямғырҙы
Һәм ҡыуана...
Йәнәһе,
Ҡояштың бүләге былар,
Ҡояштың күстәнәсе!
Мин барам һаман.
Эргәмдән
Көҙ килә һары кейеп.
Моңһоу ҙа ул, өмөтлө лә...
Минең уйҙарым кеүек.
Рәшит Назаров
