Ғаиләгә бәйле әйтемдәр

*Ҡатынды йөҙөк ҡашы иткән дә, мунса ташы иткән дә — ир.

* Ҡатын һәлкәү булһа, ир ялҡау булыр.

* Ҡатынынан айырылғандың ҡанаты ҡайырылған.

* Ҡатын уңғаны иргә яраған, ир уңғаны илгә яраған.

* Бала – ата-әсәгә алтын бағана.

* Баланан бәхетең булһа – ҡарт көнөңдә йәш итер, баланан бәхетең булмаһа – иртә йәштән ҡартайтыр.

* Ҡыҙ байлығы – күркәм холоҡ, ир байлығы – тәүәккәллек.

* Ҡыҙ күңелендә – балалы бишек, ир күңелендә – эйәрле ат.

* Ҡыҙҙың кемлеге кемәйенән (әхирәтенән) билдәле.

* Ҡартты ҡәҙерләһәң, ҡартайғас ҡәҙер күрерһең.

* Малайға тәрбиә биреп ил тәр­биәләйһең, ҡыҙға тәрбиә биреп милләт тәрбиәләйһең.

* Ағаһынан күреп ҡусты үҫер, апаһынан күреп һеңле үҫер.