Үрге Юлдаш ауылы ағинәйҙәре Мәүлит байрамы үткәрҙе

Риүәйәттәрҙән билдәле булыуынса, был төндә һөйөклө пәйғәмбәребеҙ Мөхәммәт Мостафа саллалаһу ғәләйһи үә сәлләм донъяға килгән. “Мәүлит” – ғәрәп һүҙе, беҙҙеңсә тыуыу тигәнде аңлата.
Үрге Юлдаш ауылы ағинәйҙәре Баныу һәм Зөфәр Аҡсуриндарҙың йәмле йортона йыйылып, Мөхәммәт ғәләйһис-сәләмдең тыуған көнөндә, йәғни Мәүлит байрамында пәйғәмбәребеҙгә бағышлап, салауат һәм мөнәжәт әйттеләр. Милли ризыҡтарҙан һығылған табында илебеҙ тыныслығы, ғаиләләр именлеге, Украинала барған хәрби операцияла һәм өлөшләтә мобилизацияға эләккән яҡташтарыбыҙҙың иҫән-һау әйләнеп ҡайтыуҙарын теләп доға ҡылдылар.