Конгэк
-14 °С
Болотло
75 лет Победы
Бөтә яңылыҡтар
Новости
20 Ғинуар , 17:17

"Айыҡ ауыл - 2022" республика конкурсы буйынса ойоштороу комитеты ултырышы үтте

Билдәле булыуынса, Башҡортостанда "Айыҡ ауыл" республика конкурсы бара. Уның муниципаль этабында Мәләүез районының бөтә ауыл биләмәләре лә ҡатнашты. Улар араһында талантлы һәм уңған кешеләре менән дан ҡаҙанған Смаҡ ауылы еңеп сығыуы тураһында яҙғайныҡ инде. Смаҡтар конкурстың республика этабында район намыҫын яҡлаясаҡ. Бөгөн, йәғни 20 ғинуарҙа сараға әҙерлек һәм уны уҙғарыу буйынса ойоштороу комитеты ултырышы үтте.

"Айыҡ ауыл - 2022" республика конкурсы буйынса ойоштороу комитеты ултырышы үтте
"Айыҡ ауыл - 2022" республика конкурсы буйынса ойоштороу комитеты ултырышы үтте

Унда 15 мартҡа тиклем үткәреләсәк саралар планы, әҙерлек барышы тураһында фекер алыштылар. Төрлө тәҡдимдәр индерелде. Эш планы ҙур, шул уҡ ваҡытта башҡарылғандары ла бик күп. Ауыл халҡын сәләмәт тормошҡа йәлеп итеү буйынса төбәктә эш киң йәйелдерелгән. Иҫерткес эсемлектәр, наркотик ҡулланыу, тәмәке тартыу кеүек зарарлы ғәҙәттәрҙе иҫкәртеү буйынса әңгәмәләр алып барыла, рейдтар үткәрелә. Имен булмаған ғаиләләр менән осрашыуҙар ойошторола. Был эштә ҡатнашыуға сәләмәт йәшәү рәүешен пропагандалаған йәмәғәт эшмәкәрҙәре, журналистар, йәмәғәт фекере лидерҙары, ағинәйҙәр, аҡһаҡалдар, врачтар йәлеп ителә. Халыҡты айыҡлыҡҡа ылыҡтырыуға арналған мәҙәни, әҙәби, белем биреү саралары уҙғарыла.

Автор:Лена Абдрахманова