Миңә бер малай бик оҡшай ине

Балалар баҡсаһына йөрөгәндә, миңә бер малай бик оҡшай ине. Тик, ҡыҙғанысҡа ҡаршы, мин уны ҡыҙыҡһындырманым. Әммә беҙ уның менән килешеү төҙөнөк. Мин уға бөтә кәнфиттәремде бирергә тейеш инем, ә ул бының өсөн мин уға оҡшаған булып ҡыланырға һәм был хаҡта бөтәһенә лә һөйләргә тейеш ине.

Күп йылдар үтте, мин уны балалар баҡсаһынан һуң күрмәнем. Әммә күптән түгел мин уны осраттым. Баҡтиһәң, ул альфонс булып киткән, ҡарт, әммә бай ҡатын менән йәшәй, ресторандар һәм төнгө клубтар буйлап йөрөй икән. Әбей уны тулыһынса тәьмин итә икән. Уның ярҙамында машинаһы, брендлы ҡиммәтле кейеме, хатта ҡала үҙәгендәге ҙур фатиры ла бар.

Хәҙер мине бер уй ҡалдырмай. Бәлки ул минең арҡала альфонс булып киткәндер?!