+30 °С
Болотло
Яңылыҡтар
29 Май 2024, 02:21
«Башҡорт» кәләш алған
24 майҙа Сибайҙа ҡыҫҡа ваҡытлы ялға ҡайтҡан «Башҡорт» позывнойлы яугир өйләнгән. Былтыр яҡташыбыҙ Рәсәй Федерацияһы милли гвардияһы ғәскәрҙәренең Һарытау хәрби институтын тамамлаған. Быйыл ғинуарҙан алып махсус хәрби операцияла взвод командиры булып хеҙмәт итә. Әйткәндәй, туйҙа, үҙенең тыуған көнөндә, яугиргә 24 йәш тулған.
«Башҡорт» кәләш алған
Шул уҡ көндө тағы бер хәрби һөйгәне менән ғаилә ҡорған, тип хәбәр иттеләр ҡала хакимиәтенең матбуғат хеҙмәтенән. Йәш ғаиләләрҙе хакимиәт башлығы Азамат Юлдашбаев ҡотлаған. Яугирҙәргә хеҙмәт һәм хәрби бурысын лайыҡлы үтәгәндәре өсөн рәхмәт хаттары тапшырылған.
«Ҡәҙерле йәштәр, һеҙҙе ысын күңелдән ошо иҫтәлекле көнөгөҙ менән ҡотлайым! Алғы һыҙыҡта хеҙмәт иткән ир-егеттәребеҙ менән ныҡ ғорурланабыҙ. Яугирҙәргә тиҙерәк иҫән-һау әйләнеп ҡайтыуҙарын, ә хәләл ефеттәренә сабырлыҡ теләйем. Барыһы ла килеп сығыр, ауырлыҡтар артта ҡалыр тип ышанам, тине Азамат Мырҙағәли улы. Бер-берегеҙҙе яратығыҙ, бер-берегеҙҙе һаҡлағыҙ һәм бөгөнгөләй бәхетле булығыҙ. Бәхет һәм мөхәббәт теләйем!»
