+28 °С
Болотло
Яңылыҡтар
29 Сентябрь 2024, 00:48
Һуңлап ҡуймаһам ине…
Көн артынан көндәр үтә,
Һуңлап ҡуймаһам ине…
Һағыштар борсой мине.
Хаталарымды аңларға
Һуңлап ҡуймаһам ине…
Уйламай һүҙҙәр әйтәбеҙ,
Рәнйеткәнмендер кемде…
Унан ғәфү үтенергә
Һуңлап ҡуймаһам ине…
Иң ҡәҙерле яҡындарым-
Бер туғандарым минең.
Яратҡанымды әйтергә
Һуңлап ҡуймаһам ине…
Эй ышанысһыҙ донъялар,
Уйҙар борсой күңелде.
Кисерергә, ҡәҙерләргә
Һуңлап ҡуймаһаҡ ине...
Фирүзә Абдуллина.
