Башҡортостанда 11 градусҡаса һыуыта

Башгидромет мәғлүмәттәре буйынса, бөгөн республикала ямғыр яуыуы көтөлә. Ел көньяҡ-көнбайыштан талғын, урыны менән көсәйеүсән. Һауа температураһы көндөҙ +3, +8 градус.

Йәкшәмбе, 3 ноябрҙә, төндә ҡар, урыны менән боҙлауыҡ, тимер сымдарға һәм ағастарға епшек ҡар һырыуы, юлдарҙа боҙлауыҡ фаразлана. Көндөҙ урыны менән бер аҙ ҡар, көньяҡ буйынса епшек ҡар. Ел көньяҡ-көнбайыштан, көнбайыштан талғын, урыны менән көсәйеүсән. Һауа температураһы төндә +1, -4, көндөҙ -3, +2.

4 ноябрҙә, дүшәмбелә, урыны менән бер аҙ ҡар яуа. Ел көньяҡ-көнбайыштан, көнбайыштан талғын, төндә урыны менән көсәйеүсән. Һауа температураһы төндә -1, -6 градус, аяҙытҡанда -11-гә тиклем, көндөҙ 0, -5 градус.