+30 °С
Болотло
Яңылыҡтар
27 Декабрь 2024, 01:30
Ҡыҙым бәпәй таба
Ҡыҙым бәпәй таба. Нисә сәғәт
Ҡыҙым бәпәй таба
Юҡ исмаһам берәй хәбәре…
Үҙен тапҡанда ла ғазап менән
Ҡурҡмағайным ошо ҡәҙәре!
Йөрәк дарҫлап тора, башым тубал,
Тик бер генә фекер мейелә:
“Эй, Хоҙайым, балам ғазаптарын
Бүлеп бирһәң ине миңә лә!”
Йөрәгемде устарыма тотоп,
Ялбарамын һаман Аллама:
“Бәлә-ҡазаларҙан һаҡла бер үк,
Ярҙамыңды итсе балама!”
“Ҡыҙым ҡыҙлы булмай белмәҫ”, - тиҙәр.
Кемебеҙгә нимә асылыр?
Ә мин күптән беләм: балаларым –
Минең өсөн йәшәү асылы.
Ҡыҙым бәпәй таба… Эй Хоҙайым!
Ярҙамыңдан бер үк ҡалдырма!
Зинһар өсөн йәллә ҡыҙ баламды,
Тере килеш утта яндырма…
Фирүзә Абдуллина.
