+28 °С
Болотло
Яңылыҡтар
20 Март 2025, 16:00
Бәхет
Бәхет бит ул – сәйәхәтсе,Килә лә йәһәт китә.Бер мәлгә, бер көнгә генәҺине бәхетле итә.
Бәхет
Бәхет бит ул – сәйәхәтсе,
Килә лә йәһәт китә.
Бер мәлгә, бер көнгә генә
Һине бәхетле итә.
Шунан китә бүтәндәргә,
Улар ҙа бәхет көтә.
Юлда, мәңге сәйәхәттә
Бәхет ғүмере үтә.
Һин көтәһең уны тағы,
Саҡыраһың тир түгеп,
Ул килә лә йәнә китә,
Ул тик һинеке түгел.
Килә… китә… ғүмер үтә,
Беҙ ҙә китәбеҙ ерҙән.
Шул саҡ кемдер берәү әйтер:
«Бәхетле йәшәп үлгән!»
Зөһрә Ҡотлогилдина.
Автор фотоһы.
