Медицина кластары асыу ҡарала

20 мартта Башҡорт дәүләт медицина университеты уҡытыусылары ҡаланың 3-сө гимназияһында белем биреү учреждениелары етәкселеге, биология, химия, физика уҡытыусылары менән осрашты.

Унда район хакимиәте башлығының социаль мәсьәләләр буйынса урынбаҫары Геннадий Шлычков, район мәғариф идаралығы начальнигы Алик Сатлыҡов, шулай уҡ үҙәк район дауахана вәкилдәре ҡатнашты.

Медицина йүнәлешендәге кластар һәләтле уҡыусыларға ярҙам күрһәтеү, һөнәри белем биреүҙе үҫтереү өсөн булдырыла. Улар шулай уҡ киләсәктә үҙ эшенең оҫтаһы булған белгестәр әҙерләүгә булышлыҡ итәсәк.

Сарала һүҙ мәктәптәрҙә медицина йүнәлешендәге кластар булдырыу мөмкинлеге тураһында барҙы. «Павловка (бәләкәй) медицина кластары» үҙенә 10-сы һәм 11-се класс уҡыусыларын туплаясаҡ тип күҙаллана.

Башҡорт дәүләт медицина университетының нормаль физиология кафедраһы мөдире, медицина фәндәре докторы, профессор Әлиә Ҡәйүмова һәм уҡыу-методик идаралығы методисы Элла Романова, дөйөм химия кафедраһы мөдире, фән докторы, профессор Светлана Мещерякова кластарҙың маҡсаты һәм бурыстары хаҡында һөйләне.

Был башланғыс мәктәп уҡыусыларына киләсәктә медицина йүнәлешендәге юғары уҡыу йорттарына уҡырға инергә әҙерләнергә ярҙам итәсәк.

Автор фотолары.