Тырыштарға уңыш йылмая

Афарин!

Район хакимиәте башлығы Зәбир Ғабдуллин урыҫ теленән Берҙәм дәүләт имтиханын 100 балға тапшырған  3-сө гимназияның сығарылыш уҡыусыһы  Ирина  Улядароваға  100 мең һумлыҡ сертификат тапшырҙы. Иринаның уҡытыусыһы  Эльвира Йосопова ла ошондай уҡ сертификатҡа лайыҡ булды.   Өс тиҫтә йыл хеҙмәт стажына эйә педагог был аҡсаны махсус хәрби операциялағы яугирҙәр иҫәбенә күсерәсәге тураһында белдерҙе.

• Мәктәптә белем биреүҙең һөҙөмтәлелеген арттырыу республика, район етәкселеге сәйәсәте өҫтөнлөктәренең береһе, был сифат күрһәткестәренең объектив үҫешенә булышлыҡ итә,- тине район хакимиәте башлығы Зәбир Ғабдуллин һәм Иринаға уңыштар теләне.