Баҡсасы кәңәштәре. Июль эштәре

✓ Еләктән үҫемлектәрҙең көсөн алған бөтә кәрәкмәгән мыйыҡты алып таш­ларға кәрәк. Тик үҫентенең үҙенә зыян итмәгеҙ. Шулай уҡ зарарланған йәки һарғайған япраҡтарын алып ташлағыҙ, тупраҡты йомшартығыҙ.
Емеш биргәндән һуң, еләккә мотлаҡ туҡ­ландырыу кәрәк. Минераль ашлама ҡул­ланыуҙан ҡурҡырға кәрәкмәй, калийлы аш­лама үҫемлек өсөн бик яҡшы туҡланыу.

✓ Ҡарағаттан уңыш йыйғандан һуң үҫентеләрҙең башын ҡыҫҡартырға була. Был киләһе йылда емеш бирәсәк ян-яҡ үҫентеләрҙең үҫешен әүҙемләштерә. Иртә өлгөргән ҡарағат сортын көҙҙө көтмәйенсә, июль аҙағында уҡ тунарға мөмкин.

✓ Виноград ҡыуағының артыҡ үренде­ләрен мотлаҡ алып ташларға кәрәк. Шулай уҡ яҡшыраҡ һәм тиҙерәк өлгөрһөн һәм туҡ­ланыу тәлгәшкә барып етеүен тәьмин итеү өсөн ҡыуаҡты ҡыр­ҡып тороу шарт. Һабаҡта 10-15 япраҡ ҡалдырығыҙ.

✓ Июлдә помидор артыҡ бо­таҡ­тарын формалаштыра, улар­ҙы даими рәүештә өҙөгөҙ. Шулай уҡ был осорҙа үҫемлеккә фосфор-калий ашлама менән сифатлы дөрөҫ туҡландырыу талап ителә. Ергә тейгән аҫҡы япраҡтарын ҡыр­ҡығыҙ.

✓ Һарымһаҡ тәрбиә талап итә. Түтәлде яҡшыраҡ елләтеү өсөн утарға һәм мотлаҡ көҙгө фосфор-калий ашламаһы менән туҡландырығыҙ. Һыу һибеүҙе туҡтатыр­ға мөмкин.