Ташҡабаҡтан «лапша»

Бының өсөн кәрәк (2 порцияға):

ташҡабаҡ - 500 г;
кишер - 100 г;
һарымһаҡ - 2 теш;
зәйтүн майы - 30 мл;
лимон һу­ты - 15 мл (1 ҡалаҡ);
базилик киптерелгән - 1 балғалаҡ;
тоҙ, ҡара борос - тәмгә ҡарап.

Әҙерләү:
Таш ҡабаҡты һәм кишерҙе йыуып, киптереп, корея кишере кеүек ҡырғыстан үткәрергә. Һарымһаҡты таҙартырға һәм ваҡларға.
Табала зәйтүн майын йылытырға һәм һарымһаҡ менән кишерҙе 3 минут ҡыҙ­ҙырырға. Шунан ҡабаҡ өҫтәп, бутар­ға.
Ҡабаҡты уртаса утта, шыйыҡса бүлеп сығарғансы, 5-7 минут ҡыҙҙырырға. Тоҙ, ҡара борос һәм базилик өҫ­тәргә.
Утты арттырырға һәм 3-5 минут һыуы тулыһынса парға әйләнгәнсе ҡыҙҙырыр­ға. Таш ҡабаҡ йомшаҡ булырға, әммә шул уҡ ваҡытта һығылмалылығын һаҡларға тейеш.
Утты һүндерергә һәм ҡабаҡ «лап­ша­һын» лимон һуты һибергә.

Ашығыҙ тәмле булһын!