+5 °С
Облачно
Яңылыҡтар
20 Декабря 2025, 15:00
Республиканың 30 ҡалаһы һәм районында яңы йыл алды йәрминкәләре ойошторола
Башҡортостан халҡын йәнә сираттағы ауыл хужалығы йәрминкәләрендә көтәләр.
19-21 декабрҙә республиканың 30 ҡалаһы һәм районында ауыл хужалығы йәрминкәләрендә урында етештерелгән тәбиғи, сифатлы продукция һатып алырға мөмкин. Был хаҡта Башҡортостандың Сауҙа һәм хеҙмәттәр министрлығынан хәбәр иттеләр.
Ошо өс көндә бөтәһе 50 йәрминкә майҙансығы эшләй. Адрестар һәм бәйләнеш өсөн мәғлүмәттәр Сауҙа һәм хеҙмәттәр министрлығы сайтында баҫылған.
Башинформ хәбәр иткәнсә, Волга буйы федераль округында Башҡортостан дөйөм йәрминкәләр һаны буйынса — икенсе, ял көндәрендә ойошторолған йәрминкәләр буйынса беренсе урынды биләй.
Новости партнеров
