+30 °С
Болотло
Яңылыҡтар
4 Ғинуар , 12:00
31 декабрҙән Башҡортостанда 45 янғын сыҡҡан
2025 йылдың 31 декабренән 3 ғинуарға тиклем Башҡортостанда 45 янғын булған, уларҙа ике кеше һәләк булған, өс кеше ҡотҡарылған. Был мәғлүмәттәр Ғәҙәтән тыш хәлдәрҙе иҫкәртеү һәм бөтөрөү һәм төбәктең янғын хәүефһеҙлеген тәьмин итеү буйынса комиссия ултырышында яңғыраны, тип хәбәр итте Башҡортостан хөкүмәтенең матбуғат хеҙмәте. Уҙған йылдың ошо уҡ осоронда янғындар һаны 11-гә күберәк булған.
2025 йыл аҙағынан алып 53% осраҡтарҙа янғындарҙың төп урыны булып шәхси торлаҡ йорттар һәм йорт яны ҡаралтылары тора. Янғындың 48 процентында электр ҡорамалдарын ҡороу һәм файҙаланыу ҡағиҙәләрен боҙоу, 22 процентында мейестәрҙе ҡороу һәм файҙаланыу ҡағиҙәләрен боҙоу, ә ут менән һаҡһыҙ эш итеү 20 процент осраҡта янғындарға килтерә. Юл- транспорты ваҡиғаһы һөҙөмтәһендә республикала ике кеше һәләк булған, 14 кеше йәрәхәтләнгән һәм ике кеше ҡотҡарылған.
