+30 °С
Болотло
Яңылыҡтар
1 Февраль , 04:00
Башҡортостан Башлығы Радий Хәбиров менән тулыһынса килешәм
Ғәлиә КӘРИМОВА, "Һуғыш балалары" йәмәғәт ойошмаһы етәксеһе:Башҡортостан Башлығы Радий Хәбиров республика Дәүләт Йыйылышы – Ҡоролтайға Мөрәжәғәтнамәһендә бик дөрөҫ әйтте. Тормош шулай ҡоролған: барыһы ла бик тиҙ онотола. Күп тә үтмәҫ, был һуғыш тураһында күп нәмәләр һаҡланып ҡалмауы ихтимал. Хатта һуғыш предметтары – гильза, мина һәм снаряд ярсыҡтары, шәхси әйберҙәр... Быларҙың барыһын да архивтарҙа, китаптарҙа, фильмдарҙа, ә иң мөһиме, йөрәктәребеҙҙә мотлаҡ һаҡларға кәрәк. Беҙҙең өсөн дә, киләһе быуындар өсөн дә. Ошондай әйберҙәрҙе онотһаҡ, милләт булыуҙан туҡтайбыҙ, - тине ул. Был һүҙҙәр дөрөҫлөккә тап килә.
Башҡортостан Башлығы Радий Хәбиров менән тулыһынса килешәм
Оноторға ярамай! Тыуған ил һағында торғандарҙың, тыныс тормош өсөн яуҙа башын һалғандарҙың батырлығын оноторға ярамай. Һәләк булғандарҙың исемен мәңгеләштереү йәһәтенән әлеге ваҡытта етди эш алып барыла. Артабан да дауам итһен ине, тип уйлайым.
Башҡортостан Башлығы Мөрәжәғәтнамәһендә хәбәрһеҙ юғалған яугирҙәрҙе эҙләү темаһына ла ҡағылды.МХО-ла юғалған яугирҙәрҙе эҙләү өсөн төркөм ойошторорға ҡушты. Бер кем дә хәбәрһеҙ юғалырға тейеш түгел. Ватан һағында батырҙарса һәләк булғандар тыуған еренә, ғаиләһенә батыр булып ҡайтырға тейеш.
