Бер йылда инвестиция проекттары өсөн 423 гектар ерҙе сауҙаһыҙ ҡуртымға бирелгән

Ер участкаларын эшҡыуарҙар һәм юридик берәмектәр министрлыҡ менән килешеү буйынса ала, Башҡортостан башлығы конкурс процедураларыһыҙ ҡуртымға алырға рөхсәт бирә. Министрлыҡ мәғлүмәттәре буйынса, 2024 йыл менән сағыштырғанда, бындай участкаларҙың дөйөм майҙаны 2,2 тапҡырға артҡан. Республиканың 24 районында инвесторҙар күп функциялы үҙәктәр, медицина һәм мәғариф объекттары, сауҙа майҙансыҡтары һәм дөйөм туҡланыу учреждениелары, келәттәр һәм етештереү, туристик, мәҙәни һәм юл буйы объекттары төҙөргә ниәтләй. Сауҙаһыҙ ерҙе ҡуртымға алыуҙан тыш, Башҡортостанда инвесторҙар төбәк хөкүмәте менән килешеү буйынса инвестицияларҙы яҡлауға һәм һалым льготаларына иҫәп тота ала.