+30 °С
Болотло
Яңылыҡтар
6 Март , 04:40
Байрам көндәренә һауа торошо
Ҡыштың киткеһе килмәй әле ул. Яҙ менән һаман айҡаша. Башҡортостанда синоптиктар алдағы өс көнгә һауа торошона фараз бирҙе. Бөгөн, 6 мартта, республикала бер аҙ ҡар яуыуы, урыны менән уртасаға тиклем, көндөҙ көньяҡта көслө ҡар яуыуы көтөлә. Ҡайһы бер райондарҙа көндөҙ боҙлауыҡ. Ел көньяҡтан, көньяҡ-көнбайыштан талғын. Һауа температураһы көндөҙ -1, -6°.
Байрам көндәренә һауа торошо
Шәмбе, 7 мартта, бер аҙ ҡар яуа. Ел көньяҡ-көнбайыштан, төньяҡ-көнбайышҡа табан талғын. Һауа температураһы төндә-6-11°, төньяҡта -15,-20°, көндөҙ -1,-6°, төньяҡта -11°тиклем.
Байрам көнөндә, 8 мартта, шулай уҡ ҡар яуыуы, урыны менән көслө, айырым райондарҙа буран сығыуы, юлдарҙа ҡар һырынтылары булыуы ихтимал. Ел төньяҡ-көнбайыштан, көнбайыштан талғын, урыны менән көсәйеүсән. Һауа температураһы төндә -10,-15°, көндөҙ -7, -12°.
