+30 °С
Облачно
Яңылыҡтар
11 Марта , 05:00
Башҡортостанда 16,5 меңдән ашыу потенциаль абитуриент тураһында белдерҙеләр
Был хаҡта республиканың фән һәм юғары белем биреү буйынса дәүләт комитеты етәксеһе Светлана Мостафина хәбәр итте. — 2008 йылда тыуым кимәленең юғары булыуы быйылғы ҡабул итеү кампанияһының төп факторы буласаҡ, — тип белдерҙе Светлана Мостафина хөкүмәттең оператив кәңәшмәһендә. — Быйыл республикала 16,5 меңдән ашыу абитуриент (11-се класты тамамлаусылар) иҫәпләнә.
Башҡортостанда 16,5 меңдән ашыу потенциаль абитуриент тураһында белдерҙеләр
Шул уҡ ваҡытта, уның әйтеүенсә, республиканың юғары уҡыу йорттарында 2026 йылға урта һөнәри һәм юғары белем биреү программалары, аспирантура һәм ординатура буйынса бюджет урындары күләме 17 424 урын тәшкил иткән, был иһә уҙған йылға ҡарағанда 3,2% күберәк. Юғары квалификациялы кадрҙар әҙерләүгә, урта һөнәри белем биреү программалары буйынса бюджет урындары һаны арттырылған.
