+28 °С
Облачно
Яңылыҡтар
12 Марта , 15:00
Илдар Хәбибуллин Өфө вице-мэры итеп тәғәйенләнде
Өфө хакимиәте башлығының төҙөлөш һәм архитектура мәсьәләләре өсөн яуаплы урынбаҫары итеп Илдар Хәбибуллин тәғәйенләнде. Был хаҡта мэрияның матбуғат хеҙмәтенән хәбәр иттеләр.
Илдар Мөнир улы Хәбибуллин 1964 йылда Үзбәк ССР-ы Бохара өлкәһе Ромитан районының Газли ҡасабаһында тыуған. Башҡортостан ауыл хужалығы институтын тамамлаған.
Хеҙмәт юлын 1986 йылда «Ишембайводстрой» тресының төҙөлөш лабораторияһында башлай, унда инженерҙан алып производство-бүлеү бүлеге етәксеһе вазифаһына тиклем үрләй.
1992-2007 йылдарҙа Ишембайҙың архитектура һәм ҡала төҙөлөшө идаралығында баш инженер, сектор мөдире, бүлек етәксеһе, һуңынан баш архитектор булып эшләй.
2007-2026 йылдарҙа Өфө хакимиәтенең Архитектура һәм ҡала төҙөлөшө буйынса баш идаралығы етәксеһе урынбаҫары вазифаһын биләй.
Башҡортостан Республикаһының атҡаҙанған төҙөүсеһе.
«2024 йылда Илдар Хәбибуллин БАРС-18 ирекле отряды составында МХО биләмәһендәге хәрби хәрәкәттәрҙә ҡатнашҡан. «Хеҙмәт ҡаһарманлығы өсөн» һәм «Батырлыҡ өсөн» миҙалдары менән бүләкләнгән», — тип билдәләнеләр муниципалитетта.
