Мейе өсөн файҙалы аҙыҡ

✓ Грек сәтләүеге организмда ҡартайыу процесын тот­­ҡарлай, шулай уҡ мейе эшен яҡшырта. Уның сос­та­­вында Омега-3 бар һәм йод күп.

✓ Еләк хәтерҙе яҡшыртыуға булышлыҡ итә. Ҡара көрт­­мәле составында глаукома, катаракта, яман шешкә, йө­рәк-­ҡан тамырҙары ауырыуҙарына, геморройға, аш­­ҡаҙан яраһына юл ҡуймаҫҡа мөмкинлек биргән ан­ти­о­ксиданттар бар. Ул аш һеңдереү юлының шешеүен баҫа, мейе эшмәкәрлеген яҡшырта.

✓ Һарымһаҡ инсульт хәүефен кәметә, шулай уҡ яман шешкә һәм йөрәк-ҡан тамырҙары ауырыуҙарына юл ҡуймаҫҡа ярҙам итә. Һарымһаҡ артрит ваҡытында шешенеү һәм һыҙланыуҙы кәметә, шешеүгә ҡаршы үҙенсәлектәргә эйә.

✓ Йомортҡа аҡһым, шулай уҡ лютеин сығанағы бу­лып тора, ә ул күҙҙе катарактанан һаҡлай, шулай уҡ инфаркт һәм инсульт хәүефен, тромб барлыҡҡа килеү хәүефен кәметә. Диетологтар раҫлауынса, көнөнә бер йомортҡа ашаһаң, был холестерин кимәлен күтәрмәй.

✓ Кишер мейеләге ҡартайыу процесын әкренәйтә, шулай уҡ ирекле радикалдар зыяны тип аталған, күҙә­нәктәрҙең юҡ ителеү процесына юл ҡуймай.

✓ Диңгеҙ кәбеҫтәһендә мейе өсөн бик файҙалы йод күп. Ә уның организмда етешмәүе ярһыусанлыҡ, аң­ды юғалтыу, депрессия менән янай, шуға күрә үҙегеҙ­ҙең рационға диңгеҙ кәбеҫтәһен индерегеҙ.