+30 °С
Болотло
Яңылыҡтар
18 Март , 02:05
Ҡыҙыҡлы 12 факт
Уның йөрәге минутына 500 тапҡыр тибә.
Ҡыҙыҡлы 12 факт
- Ҡомаҡтар Ерҙә кешеләрҙән 48 миллион йыл элек барлыҡҡа килгән.
- Уның йөрәге минутына 500 тапҡыр тибә.
- Кешеләр кеүек, ҡомаҡтар ҙа йоҡлағанда төш күрә.
- Ҡомаҡ һыуһыҙ хатта дөйәгә ҡарағанда оҙағыраҡ йәшәй ала.
- Уның хәтере яҡшы: бер үткән урынынан ул һис яңылышмай бер-нисә тапҡыр уҙа ала.
- Бер йыл эсендә ҡомаҡ 10-12 кг аҙыҡ ашай.
- Яңғыҙлыҡ - ҡомаҡ өсөн ауыр һынау, шуға күрә улар көтөү менән йәшәй.
- Ҡомаҡ бик тиҙ стресҡа бирелә, һәр төрлө тетрәнеү уның өсөн үлемесле хәл.
- Ул иң яҡшы йөҙөүсе булып иҫәпләнә, ҡоро ер тапҡансы, бер туҡтамай 2-3 көн буйы йөҙә ала.
- Ҡомаҡ ер тетрәү, һыу баҫыу, шартлау кеүек һәләкәтте алдан һиҙә һәм фажиғә көтөлгән урынды ташлап ҡаса.
- Уның тештәре ныҡ, шуға күрә хатта бетонды, тимерҙе лә кимерә ала.
- Ҡомаҡтар бер береһе менән ультратауыш ярҙамында «аралаша».
