Башҡортостан Башлығы Владимир Жириновский менән аралашыуы хаҡында һөйләне

– Ғәҙәттә кешеләр уны экспрессив һәм эмоциональ кеше итеп күрҙе. Ә уның менән кабинетында аралашҡанда алдымда һынсыл ҡарашлы, бик аҡыллы кеше тора ине. Тап ошондай форматта беҙ уның менән тығыҙ эшләгәнебеҙгә бик шатмын, – тине Башҡортостан Башлығы.

Партия рәйесе Леонид Слуцкий Башҡортостанды кешеләр тормошоноң төрлө өлкәләрендәге мәсьәләләрҙе хәл итеүҙә эталон тип атаны.

– Башҡортостанда Владимир Жириновский иҫтәлегенә арналған бер нисә сарала ҡатнашыуыбыҙға бик шатбыҙ. Әйтәйек, тантаналы йыйылыш, урам асыу, уның хөрмәтенә спорт турниры, – тип билдәләне Леонид Слуцкий. – Радий Фәрит улы Хәбировтың уникаль тәжрибәһе бар, республикаһына һәм халҡына тоғро. Осрашыуҙа көнүҙәк, шул иҫәптән МХО-ға ярҙам итеү, иҡтисадты үҫтереү мәсьәләләре тикшерелде. Башҡортостандың халыҡ алдындағы бурыстарын үтәүгә системалы ҡарашы бигерәк тә ҡыуандыра, башҡа төбәктәр өсөн өлгө булып тора. 

Материал: Башинформ.

ФОТО: АЗАТ МӨХӘМӘТЙӘНОВ / БАШҠОРТОСТАН РЕСПУБЛИКАҺЫ БАШЛЫҒЫНЫҢ МАТБУҒАТ ХЕҘМӘТЕ