+30 °С
Болотло
Яңылыҡтар
31 Май , 04:03
Салауат Юлаев майҙанының дизайн-проектын һайларға мөмкин
2027 йылда Салауат Юлаев һәйкәлен һәм уның тирәләй майҙанды төҙөкләндереүҙе тамамлау планлаштырыла. Ошо биләмәнең нисек буласағы Башҡортостан халҡынан тора.
Архитекторҙар милли батырыбыҙ һәйкәле янындағы майҙандың дизайн-проектын төҙөгән. Республикабыҙҙың йөҙөк ҡашы булған урындың дизайнын һайлауҙа 14 йәше тулған һәр кем ҡатнаша ала. Салауат Юлаев майҙаны өсөн һылтанма буйынса үтеп, онлайн тауыш бирергә мөмкин.
2027 йылда төҙөкләндереү объекттары өсөн тауыш биреү «Тормош өсөн инфраструктура» милли проектының «Уңайлы ҡала мөхитен булдырыу» федераль проекты сиктәрендә уҙғарыла.
Хәтерегеҙгә төшөрәбеҙ, Башҡортостан Башлығы Радий Хәбировтың ҡарары менән 2025 йылда һәйкәлде комплекслы яңыртыу башланды. Ярты йыл элек һәйкәл һүтеп алынды, әле Өфөнөң Черниковка биҫтәһендәге цехта уны реконструкциялау эштәре бара.
Фото һәм материал: "Башинформ".
Салауат Юлаев майҙанының дизайн-проектын һайларға мөмкин
