+28 °С
Болотло
Еңеүгә - 81 йыл
9 Май 2025, 08:51
Дан һеҙгә, дан, еңеүселәр!
Бөгөн илем бөйөк байрамдарҙың береһе - Еңеүҙең 80 йыллығын билдәләй. Мәләүездәр ҙә уға ныҡлы әҙерләнде. Район-ҡаланан был дәһшәтле яуҙа 15 меңдән ашыу ир-егет һәм ҡатын-ҡыҙ ҡатнашҡан.
Тантаналы сарала район хакимиәте башлығы Зәбир Ғабдуллин, БР Ғәҙәттән тыш хәлдәр буйынса дәүләт комитеты рәйесенең беренсе урынбаҫары Виталий Барзайкин, БР Дәүләт Йыйылышы- Ҡоролтай депутаты Рамаҙан Рамаҙанов, район хакимиәте вәкилдәре, башҡа саҡырылған ҡунаҡтар ҡатнашты.
Тантананың төп өлөшө Бөйөк Ватан һуғышы ветерандарына арналған Мәңгелек Ут монументы янында үтте. Куранттар тауышы аҫтында кадеттар яуҙа һәләк булғандар иҫтәлегенә йәшел венок һалғас, өс тапҡыр залп яңғыраны. Уңышлы һайланған музыкаль композициянан һуң Совет халҡының ҡаһарманлығын, көсөн, берҙәмлеген, дәлилләгән Хәрби парад үтте. Зәңгәр күккә “Еңеү менән!” тип яҙылған шарҙар осоролдо.
Быйылғы “Үлемһеҙ полк” акцияһына атай-олатайҙары фотолары менән төрлө йәштәге меңәрләгән мәләүез халҡы ла ҡушылды. "Олатайҙар рухы беҙҙе көслө итә",- тине бөгөн бында ҡатнашыусылар.
Бай йөкмәткеле музыкаль сығыш Ватан һаҡсыларының көс-ҡеүәтен, хәрби һәм ветерандар хоры танылған һуғыш йылдары йырҙарын башҡарҙы.
Дан һеҙгә, дан, еңеүселәр!
