Башҡортостанда йәшәүселәрҙе «Катюша» патриотик акцияһына саҡыралар

Сарала Башҡортостан Республикаһының Йәмәғәт палатаһы ағзалары, депутаттар, РФ Хөкүмәте ҡарамағындағы Өфө иҡтисади колледж, М.Аҡмулла исемендәге башҡорт дәүләт педагогия университеты студенттары,  А.Ш.Фәйзуллин исемендәге 39-сы гимназия уҡыусылары, ата-әсәләре һәм педагогтары, Ф.Х.Мостафина исемендәге 20-се Әфө ҡала башҡорт гимназияһы, БР юғары советы тарихы музейы, Башҡортостан Республикаһы Халыҡтар дуҫлығы йортоноң милли-мәҙәни үҙәктәре вәкилдәре, шулай уҡ «Элегия» вокаль ансамбле, «Вариация» халыҡ вокаль ансамбле ижади коллективтары ҡатнашасаҡ.  Бынан тыш, ойоштороусылар яҡын-тирәләге йорттарҙа йәшәүселәрҙе, власть органдары һәм йәмәғәтселек вәкилдәрен йәлеп итергә ниәтләй.

Ойоштороусылар әйтеүенсә, акция батырлыҡтары менән донъяға батырлыҡ, фиҙакәрлек һәм ҡаһарманлыҡ өлгөһө күрһәткән еңеүселәр быуынына хөрмәт күрһәтеү маҡсатында уҙғарыла. Был ҡиммәттәр бөгөн дә әһәмиәтен һаҡлай. Акцияла ҡатнашыусыларҙың барыһына ла 32-се балалар баҡсаһы тәрбиәләнеүселәре, Ватанды һаҡлаусыларҙың хәрби даны, ҡаһарманлығы, батырлығы һәм сыҙамлығы символы булған Георгий таҫмаларын тапшырасаҡ. Акция сиктәрендә музей хеҙмәткәрҙәре шулай уҡ ветерандар аша үҙ ҡулдары менән бәйләнгән йөҙ «Тормош беләҙеген» махсус хәрби операция биләмәһендәге хәрби хеҙмәткәрҙәргә тапшырырға ниәтләй. Ғәзиз Әлмөхәмәтов исемендәге Республика гимназияһы уҡыусыһы Ралина Риянова махсус хәрби операция геройҙарына арналған йыр йырлай.

Сара 6 майҙа иртәнге сәғәт 12-лә В.И. Ленин исемендәге йорт-музейында башлана.