БПЛА операторҙары сафы тулылана

"Защитники" үҙәге капитаны Фадис Солтанов һүҙҙәренсә, контракт буйынса хәрби хеҙмәткә һайлап алыу пунктына мөрәжәғәт итеүселәр кимәле тотороҡло ҡала — ҡайһы бер урындарҙа кәмей, икенселәрендә арта.

Офицер кандидаттарҙың өс төп мотивын билдәләне: махсус хәрби операцияла еңеүгә өлөш индереү теләге, МХО-ла ҡатнашҡан таныштарына һәм туғандарына ярҙам итеү ынтылышы, шулай уҡ матди хәлде яҡшыртыу ниәте.

Миҫал итеп Солтанов курьер һәм таксисы булып эшләгән, ялға ҡайтҡан МХО-ла ҡатнашыусыларҙы һәм ветерандарҙы йөрөткән өфөлө егет тураһында һөйләне. Хәрбиҙәр менән һөйләшеүҙәр йәш кешене үҙенең урыны улар менән йәнәш булырға тейешлегенә ышандырған.

Теләгәндәр дрон операторҙары сафына ҡушыла ала. Пилотһыҙ осоу аппараттары подразделениеларына ҡабул итеү тураһындағы бөтә мәғлүмәт башбат.рф контракт хеҙмәте сайтында урынлаштырылған.

Эш урыны һаҡлана: хәрби хеҙмәткәрҙең ризалығынан тыш, уны башҡа вазифаға йәки осоу аппараттарын идара итеү менән бәйле булмаған башҡа ғәскәр төрҙәренә күсерә алмайҙар.

БПЛА операторҙары тулы социаль пакет ала — закон менән ҡаралған бөтә түләү, ташлама һәм социаль гарантиялар тәьмин ителә.

Юғары уҡыу йорттары студенттары өсөн айырым шарттар ҡаралған: академик отпуск бирелә, хеҙмәт итеп ҡайтҡас, бюджет урынында уҡыу дауам итә.