Ялығыҙ күңелле үтһен тиһәгеҙ, һаҡлыҡ талаптарын үтәгеҙ

Башҡортостанда оҙайлы ял көндәрендә эҫе һауа торошо фаразлана. Ҡояшлы, йылы көндәр бер яҡтан ҡыуандырһа, икенсе яҡтан хәүеф тыуҙыра: күптәр ялын тәбиғәт ҡосағында, йылға ярында үткәрергә барасаҡ. Балаларығыҙға иғтибарлы булығыҙ. Уларҙы яңғыҙын һыу инергә ебәрмәгеҙ. Йылға-күл тирәһендә булғанда һаҡлыҡ һәм хәүефһеҙлек талаптарын ҡабатларға, өйрәтергә иренмәгеҙ. Үҙегеҙ ҙә кескәйҙәргә яҡшы өлгө күрһәтегеҙ: таныш булмаған урында һыу инмәгеҙ, эскән килеш йылғаға төшмәгеҙ.

Һеҙгә күңелле һәм файҙалы ял теләйбеҙ!