Сибай ҡыҙы - "Мисс Азия - 2023" конкурсының еңеүсеһе

Һиндостанда «Мисс Азия-2023» гүзәллек конкурсында яҡташыбыҙ, 22 йәшлек Илүзә Иҫәндәүләтова Башҡортостанды лайыҡлы күрһәтеп, Гран-при яуланы.

22 йәшлек һылыуҡай Сибайҙа тыуған. Былтыр Аҡмулла исемендәге Башҡорт дәүләт педагогия университетын тамамлаған. «Мисс Башҡортостан-2023» һәм «Мисс Азия-Себер 1-се вице-мисс» конкурстары еңеүсеһе.

Конкурста урындар түбәндәгесә билдәләнде: Гран-при — Башҡортостан, 1-се Вице-Мисс Азия — Непал, 2-се Вице-Мисс Азия — Берләшкән Ғәрәп Әмирлектәре, 3-сө вице-Мисс Азия — Таиланд.

«Беҙ бөтә Азияны шаулатабыҙ. Башҡортостандың ниндәй республика икәнен белмәйҙәр ҙә. Донъяла республикабыҙҙы танытыуға үҙ өлөшөбөҙҙө индерәбеҙ», — тип билдәләнеләр һылыуҡайҙы әҙерләгән модель агентлығында.

https://www.bashinform.ru/news/social/2023-11-15/ilyuza-isyandavletova-iz-bashkirii-vyigrala-gran-pri-v-konkurse-miss-aziya-2023-3521524