"КӨҘГӨЛӨ" ДАТА. БӘХЕТЛЕ БУЛЫҒЫҘ, ЙӘШТӘР!

Бөгөн Мәләүез гражданлыҡ хәлен теркәү бүлегендә 9 пар никахын теркәне.

• Рәсәйҙә Ғаилә йылы бына ошондай “уңышлы”көндәре менән тарихҡа инә,- ти ЗАГС бүлеге начальнигы Лилиә Менчикова. Яуаплы һәм иҫтәлекле сараға икенсе һулыш, үҙгәреш индереү маҡсатында беҙ ҡала эшҡыуарҙары менән бүләк әҙерләнек. Йәш парҙар никах балдаҡтары менән алмашҡас, “Мөхәббәт ағасы”на эленгән йөрәктәр эсенә йәшеренгән бүләктәр отто. Бассейнға, кинозалға, “ЗОЖНИКОВ” фитнес клубына, “Профит”үҙәгенә, ”Рәхәт”, “Банкет Холл” ресторандарына сертификаттарҙы йәштәр үҙҙәре һайланы. Никахлы ир һәм ҡатын булараҡ улар беренсе ғаилә бейеүен башҡарҙы.

Акцияның маҡсаты - ғаилә ҡиммәттәре төшөнсәләрен тергеҙеү һәм йәштәргә тапшырыу. Эшҡыуарҙарҙың ярҙамы йәштәрҙең байрамына һис шикһеҙ ҡыуаныс өҫтәгәндер.

Бөгөн Розалина һәм Айҙар ШАҺМАНОВТАР, Алина һәм Рөстәм ДЖУМАЛИНОВТАР, Ләйсән һәм Радик КҮСӘРБАЕВТАР, Анна һәм Александр ЖИЛИНДАР, Карина һәм Егор ЕРЕМИНДАР, Аделина һәм Николай АКШЕНЦЕВТАР, Ангелина һәм Андрей КОПЫЛОВТАР, Анастасия һәм Вадим ПЕТРУНИНДАР никахтарын теркәне!

Тиҙҙән, 24 августа ҡала көнө уңайынан (24.08.2024) 24 йәш пар никахын теркәргә ғариза яҙған! Алға, йәштәр!