+28 °С
Болотло
Йәмғиәт
16 Ғинуар 2025, 01:05
ЯЛБАРЫУ
Ғүмер бир тип һорамайым, Раббым,Һорайым тик доға - күберәк,Өлгөрһәмсе гонаһ ярлыҡатып,Ҡаҡмай башлағансы был йөрәк...
ЯЛБАРЫУ
Ғүмер бир тип һорамайым, Раббым,
Һорайым тик доға - күберәк,
Өлгөрһәмсе гонаһ ярлыҡатып,
Ҡаҡмай башлағансы был йөрәк.
Изге исемдәрең һәр көнөмдә
Төшмәһәсе тием телемдән,
Тетрәп ҡурҡам Һинһеҙ йәшәүемдән,
Ҡурҡам йәнә Һинһеҙ үлемдән.
Ғүмер юлын насип ҡылсы, Раббым,
Тулы иман менән үтерлек,
Уйым, телем, ғәмәлдәрем менән
Һине ризалатып китерлек
Биргәнеңә мең-мең шөкөр ҡылам,
Бары һиңә генә тәкбирем,
Оҙон ғүмер һорамайым, Раббым,
Хәйерлеһен бирсе тәҡдирҙең.
Гүзәл Ситдиҡова.
Фото архивтан.
