Мәләүездә күпме наркоман иҫәптә тора?

Башҡортостанда наркотик ҡулланыусылар 102 кешегә кәмегән. Өфөлә наркомания менән сирләү осраҡтары юғары. Былтыр Башҡортостандың баш ҡалаһында наркотиктар менән киҫкен ағыуланыуҙан 66 кеше, Стәрлетамаҡта — 12, Нефтекамала — 5, Салауатта — 4, Октябрьскийҙа — 3, Сибайҙа — 1 вафат булған. Башҡортостанда 3440 кеше наркотик сиренә бәйле иҫәптә тора. 2024 йылда уларҙың һаны 3548 кеше тәшкил иткән.

Һаулыҡ һаҡлау министрлығында билдәләүҙәренсә, ауырыуҙарҙың (йылына -108 кеше) һәм үлемдең (-24 кеше) кәмеүе — системалы эш һөҙөмтәһе. Үлем күрһәткесе процент нисбәтендә 15,2 процентҡа кәмегән. Башҡортостан ҡалаларында әлеге ваҡытта наркомандарҙың күбеһе Өфөлә — 1748 кеше. Стәрлетамаҡта — 288 пациент, Октябрьскийҙа — 203,  Нефтекама ҡалаһында — 73, Мәләүездә — 51, Салауат ҡалаһында — 40, Сибайҙа — 30, Күмертауҙа — 29, Ишембайҙа 23 пациент иҫәптә тора.