Ҡотороу сире буйынса ауылға карантин индерелгән

Документтан күренеүенсә, Ленин урамындағы шәхси ярҙамсы хужалыҡ территорияһы эпизоотик усаҡ тип танылған. Бөтә Ҡолмәт ауылы ла имен булмаған пункт тип билдәләнгән. Эпизоотик усаҡ территорияһында ауырыу хайуандарҙы дауалау, сит кешеләрҙең килеүе, хайуандарҙы индереү һәм сығарыу, һәләк булған хайуандарҙың тиреһен алыу тыйыла.

Ауылда хайуандарҙың ҡотороу ауырыуына ҡаршы вакцинация үткәреләсәк, сәләмәт хайуандарҙы айырым тотоуға күсереләсәк. Республиканың ветеринария буйынса дәүләт комитетына сирҙең сәбәптәрен һәм сығанаҡтарын асыҡларға ҡушылды. Законлы көсөнә ингән указдың үтәлешен контролдә тотоу БР Ауыл хужалығы министры Илшат Фәзрахмановҡа йөкмәтелде.