“Уңайлы мөхит” ҡаршылыҡһыҙ булһын

Сәләмәт кешеләр ҡаршылыҡһыҙ мөхит тигән төшөнсә хаҡында һирәк уйлайҙыр, моғайын. Ысынлап та аяҡ-ҡулың иҫән булғанда уның беҙгә кәрәге юҡ һымаҡ.  Физик мөмкинлектәре сикләнгәндәр өсөн был - ҙур проблема. Коляскалағы инвалидтарға кәрәкле бинаға инеп сығыу, ысын мәғәнәһендә, ҡыйынлыҡ тыуҙыра.
 Баҫҡыстан менеп-төшөүе аяҡ-ҡулы им­гәнгәндәр өсөн генә түгел, оло йәштә­ге­ләргә лә еңел түгел.  Баҫҡыс таян­ғыстарының нимә өсөн ҡуйылғанын бөтәһе лә белә. Ул күтәрелгәндә йәки төшкәндә тән ауырлығы тигеҙлеген тотоусы баҫҡыстың айырылғыһыҙ өлөшө. Бөгөн улар  магазиндарҙа, дарыуханаларҙа һәм башҡа учреждениелар уның менән йыһазландырылған.

Таянғыстарҙан тыш, дәүләт, муниципаль һәм ведомство торлаҡ фондындағы объект­тарҙа, хаки­миәт бина­ларында, мәғариф, һаулыҡ һаҡлау, хеҙмәт һәм халыҡты социаль яҡ­лау, сауҙа, йәмәғәт туҡланыуы, көнкүреш хеҙмәт­ләндереү, банк, мәҙә­ниәт учреж­дениеларында, физ­культура-һауыҡтырыу биналарында, почта, элемтә хеҙмәте күр­һәткән объекттарҙың бөтә­һендә лә пан­дустар, йәғ­ни киртләсһеҙ ҡыяла­тып эшләнгән баҫ­ҡыстар булырға тейеш.

Район һәм ҡала хакимиәттәре белгестәрен берләштергән комиссия һаулыҡ һаҡлау  учреждениеның ошо йүнәлештәге эшен ҡараны. Пандус, ҡыялатып эшләнгән баҫҡыс, саҡырыу кнопкалары, коляскалар булыуы тикшерелде. Комиссия эшен артабан дауам итәсәк.