Мәләүез ҡалаһы ҡала хакимиәте башлығы һайланды

 Ултырышта көнүҙәккә  һигеҙ мәсьәлә сығарылды, улар буйынса ҡарар ҡабул ителде.

Шулай уҡ Мәләүез ҡалаһы ҡала биләмәһе хакимиәте башлығын тәғәйенләү процедураһы үтте. Ҡала биләмәһе башлығы вазифаһын билдәләү конкурсы комиссияһы ҡала биләмәһе Советына өс кандидат тәҡдим итте. Депутаттар бер тауыштан Мәләүез ҡала биләмәһе хакимиәте башлығы итеп Андрей Евгеньевич Васинды һайланы, ул  2025 йылдың сентябренән Ергән  ауыл  хакимиәте башлығы вазифаһын биләй. Андрей Евгеньевич күрһәтелгән ышаныс өсөн депутаттар составына рәхмәт белдерҙе һәм ҡала үҫешенә ҡағылған мәсьәләләрҙе хәл итеүгә белемен һәм тәжрибәһен ҡулланасағы тураһында белдерҙе. Мәләүез  ҡалаһы ҡала биләмәһе Советының сираттағы егерменсе ултырышында Андрей Евгеньевич  Васин менән уны ҡала хакимиәте етәксеһе итеп тәғәйенләү тураһында контрактҡа ҡул ҡуйылды.

Ҡыҫҡаса мәғлүмәт: Васин Андрей Евгеньевич 1982 йылдың 20 декабрендә  Ишембай ҡалаһында тыуған. Юғары белемле. 2005 йылда Төмән дәүләт нефть һәм газ университетын «Нефть һәм газ ятмаларын эшкәртеү һәм файҙаланыу» факультетын  тамамлаған. 2010 йылда Башҡортостан Республикаһы Президенты ҡарамағындағы Башҡорт дәүләт хеҙмәте һәм идара итеү академияһын  тамамлаған.

Хеҙмәт эшмәкәрлеген 2000 йылда Ишембай быраулау участкаһының эксплуатация һәм разведка быраулау скважиналары буйынса быраулаусы ярҙамсыһы булып башлаған. Төрлө йылдарҙа Самара өлкәһендә скважиналарҙы ер аҫтында ремонтлау буйынса мастер, үҙәк инженер-технологик хеҙмәт начальнигы булып эшләгән. Салауат ҡала хакимиәтенең ҡала хужалығы идаралығы начальнигы, Ишембай ҡала биләмәһе хакимиәтенең ҡала хужалығын үҫтереү буйынса хакимиәт башлығы урынбаҫары вазифаларында урындағы үҙидара органдарында эшләү тәжрибәһе бар. 2025 йылдың сентябрендә  Мәләүез районы Ергән  ауыл биләмәһе ауыл советы депутаты итеп һайланған, һуңынан уның башлығы итеп тәғәйенләнгән, һәм хәҙерге ваҡытта ла шунда эшләй. III класслы баш ҡала муниципаль советнигы дәрәжәһенә эйә. «Берҙәм Рәсәй» Бөтә Рәсәй сәйәси партияһы ағзаһы. Ҡыҙ үҫтерә.