Башҡортостанда «Һабын бумы " хәйриә акцияһының яңы миҙгеле башланды

Акция айырыуса хәстәрлеккә мохтаж ғаиләләргә һәм балаларға ярҙам итә, был «Ғаилә»милли проектының бурыстарына тап килә.

Акция майҙансығы булдырыр өсөн ойошмаға ғариза бирергә, йыйыу өсөн йәшник ҡуйырға һәм мәғлүмәт плакатын урынлаштырырға, координатор тәғәйенләргә, йыйылған продукцияны иҫәпкә алырға, һуңынан уны фондҡа тапшырырға йәки сығарыуҙы килешеп эшләргә кәрәк. Шуныһы мөһим: заявканы координатор исеменән түгел, ә ойошма исеменән бирергә кәрәк — был ойоштороусылар бөтә ҡатнашыусыларҙы ла дөрөҫ иҫәпкә ала алһын өсөн кәрәк.

Ғаризаны һылтанма буйынса бирергә мөмкин. Шампунь, душ өсөн гель, һабын, теш пасталары һәм щеткалар, кер йыуыу порошоктары, һауыт-һаба йыуыу саралары, таҙартыу саралары һәм башҡа көнкүреш химияһы ҡабул ителә. Былтыр "Һабын бум"ына  Башҡортостандың 17 ҡалаһынан һәм 23 районынан 140 белем биреү ойошмаһы ҡушылды. Ҡатнашыусылар бергәләп 25 меңдән ашыу берәмек продукция йыйған. Ойоштороусылар республика учреждениеларын һәм компанияларын акцияға ярҙам итергә һәм йыйыу өсөн майҙансыҡтар асырға саҡыра.