Киләсәгебеҙгә битараф булмайыҡ

Ленин урамы 156-сы йортта йәшәүселәр ҡатнашлығында 3-сө гимназияның тамаша залында йыйылыш үтте. Унда гимназия  коллективы һәм атай-әсәйҙәр йәмәғәтселеге  саҡырылды.

Көн тәртибенә проектты бюджетлау тураһында мәғлүмәт, конкурс буйынса һайлап алыу шарттары тураһында мәсьәләләр сығарылды.

Ҡатнашыусыларға һайлап алыу өсөн бер нисә проект тәҡдим ителде. Уларҙың һәр береһе көнүҙәк һәм ҡыҙыҡлы, конкурс шарттарына тап килә. Йыйылыусылар бер тауыштан 3-сө гимназияның “Урындағы башланғыстарҙы хуплау” программаһында ҡатнашыу өсөн тауыш бирҙе. Шулай уҡ инициативалы эшсе төркөм һайланды. Ул конкурс заявкаһын формалаштырыу өсөн әүҙем эш алып барыу менән шөғөлләнәсәк.