Ленара Иванова Башҡортостандың хеҙмәт министры вазифаһын ҡалдырҙы

"Һәр иртә, үҙ кабинетыма ингәс, кешеләрҙең тормошон еңеләйтеүсе эш өсөн Аллаға рәхмәт әйттем. Был ваҡыт эсендә мин бөтә көсөмдә тырыштым, ҡайһы берҙә, бәлки, артыҡ эмоциональ, сөнки һәр һорау артында конкрет кешенең йәшәү сифаты тора. Беҙҙе федераль кимәлдә күрәләр, хөрмәт итәләр һәм хуплайҙар. Әлбиттә, күп кенә башланғыстар республика Башлығының кешеләрҙең проблемаларына шәхси мөнәсәбәтенән сығып барлыҡҡа килде. Был инвалидтар эштәре буйынса координация советы ла, «Кәртәләрҙе емереп» форум-күргәҙмәһе лә, «Салют» үҙәген дә төҙөнөк, «Башҡорт оҙон ғүмерлелеге» проектын да – былар барыһы ла республиканың визит карточкаһына әүерелде. Киткәндә бөтә бурыстарҙы ла үтәй алған көслө команданы ҡалдырам», – тип белдерҙе Ленара Иванова.