Өфө ҡыҙы Рәсәй йәштәренең фехтование буйынса V Спартакиадаһында бронза миҙал яуланы

Йәштәрҙең фехтование буйынса бишенсе Спартакиадаһында Өфө ҡыҙы Полина Хәертдинова бронза миҙал яуланы. Яҡташыбыҙ Мәскәү өлкәһенән Ирина Селинанан һәм Мәскәүҙән Милен Бавуга Хабимананан еңелде. Хәертдинова еңеү пьедесталының өсөнсө баҫҡысын Мәскәү спортсыһы Анна Гзюнова менән бүлеште.

Хәтерегеҙгә төшөрәбеҙ, Рәсәй йәштәренең V йәйге Спартакиадаһы «Демография» милли проектының «Спорт – йәшәү нормаһы» федераль проекты сиктәрендә үткәрелә. 15 майҙан 29 авгусҡаса илдең 13 төбәгендә Спартакиаданың III этабында спорттың 41 төрө буйынса ярыштар ойошторола. Бынан алда төбәк һәм төбәк-ара ярыштар уҙғарылды. Финалда 14 меңдән ашыу спортсы һәм тренер ҡатнаша.  

https://www.bashinform.ru/news/1619928-ufimskaya-shpazhistka-zavoevala-bronzovuyu-medal-v-spartakiady-molodyezhi-rossii-po-fekhtovaniyu/

«Башинформ» мәғлүмәт агентлығы